မြန်မာနိုင်ငံ ပညာရေးနှင့် ကျန်းမာရေးကူညီစောင့်ရှောက်ရေးဌာနခွဲ

Education and Healthcare for Myanmar

( Malaysia )

ဖွဲ့စည်းပုံစည်းမျဉ်း
(Rules and Regulations)

နိဒါန်း

EDUCATION AND HEALTHCARE FOR MYANMAR ကို ၂၀၂၁ ခုနှစ်တွင် နော်ဝေနိုင်ငံတွင် စတင်ဖွဲ့စည်းခဲ့ပြီး၊ ယခုအခါ ပညာရေးနှင့် ကျန်းမာရေးဆိုင်ရာလုပ်ငန်းများကို အရှိန်အဟုန်မြင့်တင်ကာ ကျယ်ကျယ်ပြန့်ပြန့် ဆောင်ရွက်နိုင်ရန်အတွက် ၂၀၂၂ ခုနှစ် မေလ ၂၃ရက်တွင် မလေးရှားနိုင်ငံ၌ ထပ်မံတိုးချဲ့ဖွဲ့စည်းလိုက်ပါသည်။

ရည်မှန်းချက်ပန်းတိုင်

• မြန်မာနိုင်ငံသူ/သားများ၏ ပညာရေးနှင့် ကျန်းမာရေးအဆင့်အတန်းကို မြှင့်တင်ပေးနိုင်ရန်။

ရည်ရွယ်ချက်နှင့် ဦးတည်ချက်များ

• မလေးရှားရောက် မြန်မာနိုင်ငံသူ/သားများ၏ ပညာရေး နှင့် ကျန်းမာရေးဆိုင်ရာ အခက်အခဲများကို အထူးဦးစားပေးကူညီဆောင်ရွက်ပေးရန်။

အခြေခံမှုများ

(က) အမည်ကို မြန်မာနိုင်ငံ ပညာရေး နှင့် ကျန်းမာရေးကူညီစောင့်ရှောက်ရေးဌာနခွဲ၊ အင်္ဂလိပ်ဘာသာဖြင့် Education and Healthcare For Myanmar (Malaysai) အတိုကောက်အားဖြင့် EHM (Malaysia) ဟု ခေါ်တွင်စေရမည်။

(ခ) ဤစည်းမျဉ်းများကို Education and Healthcare for Myanmar (Malaysia) ၏ ဖွဲ့စည်းပုံစည်းမျဉ်း Rules and Regulations of the Education and Healthcare for Myanmar (Malaysia) ဟု ခေါ်တွင်စေရမည်။

(ခ) ဤစည်းမျဉ်းကို Education and Healthcare for Myanmar (Malaysia) ၏ ဖွဲ့စည်းပုံစည်းမျဉ်း Rules and Regulations of the Education and Healthcare for Myanmar (Malaysia) ဟု ခေါ်တွင်စေရမည်။

(ဃ) မလေးရှားနိုင်ငံအတွင်းရှိ မြန်မာပြည်သူ/သားများ၏ ကျန်းမာရေး၊ ပညာရေး၊ အသိပညာအတက်ပညာများ ဖွံ့ဖြိုးတိုးတက်လာစေရေးလုပ်ဆောင်သွားမည်။

(ဂ) ဤဖွဲ့စည်းပုံစည်းမျဉ်းသည် Education and Healthcare for Myanmar (Malaysia) ၏ အခြေခံ အကျဆုံး စည်းမျဉ်းစည်းကမ်းဖြစ်သည်။

(ဃ) မလေးရှားနိုင်ငံအတွင်းရှိ မြန်မာပြည်သူ/သားများ၏ ကျန်းမာရေး၊ ပညာရေး၊ အသိပညာ အတက်ပညာများဖွံ့ဖြိုးတိုးတက်လာစေရေးများ လုပ်ဆောင်သွားမည်။

(င) မလေးရှားရောက် မြန်မာနိုင်ငံသူ/သားများ၏ ပညာရေး၊ ကျန်းမာရေး၊ လူမှုရေးနှင့် ယဉ်ကျေးမှု စသောအခွင့်အရေးများတွင် လွတ်လပ်မှု၊ တန်းတူညီမှု၊ လုံခြုံဘေးကင်းမှုနှင့် တရားမျှတမှု အပြည့်အဝရရှိစေရန် ဦးတည်ဆောင်ရွက်သွားမည်။

(စ) NUG, CRPH & NUCC တို့၏ လမ်းညွန်မှုနှင့်အတူ ကျန်းမာရေး နှင့် ပညာရေးဆိုင်ရာ ကိစ္စရပ်များကို အကောင်အထည်ဖေါ်ဆောင်ရွက်သွားမည်။

(ဆ) မလေးရှားနိုင်ငံအတွင်းရှိ လူမှုရေးအသင်းအဖွဲ့များ၊ NGO များနှင့် လက်တွဲ၍ ပူးပေါင်းဆောင်ရွက်သွားမည် ဖြစ်ပါသည်။

ဖွဲ့စည်းပုံ

Education and Healthcare for Myanmar မလေးရှားဌာနခွဲ၏ အလုပ်အမှုဆောင်အဖွဲ့ကို အောက်ပါအတိုင်း ဖွဲ့စည်းထားပါသည်။

(က) ဥက္ကဌ

(ခ) ဒု-ဥက္ကဌ

(ဂ) အထွေထွေအတွင်းရေးမှူး

(ဃ) အတွင်းရေးမှူးအဖွဲ့

(င) ရုံးအဖွဲ့မှူး

(စ) ဘဏ္ဍာရေးမှူး

(ဆ ) တွဲဖက်ဘဏ္ဍာရေးမှူး

(ဇ) စာရင်းစစ်

(ဈ) တွဲဖက် စာရင်းစစ်

(ည) နယ်မြေတာဝန်ခံများ

တာဝန်နှင့်လုပ်ပိုင်ခွင့်များ

ဥက္ကဌ

(က) ဥက္ကဌသည် Education and Healthcare for Myanmar မလေးရှားဌာနခွဲ၏ အဓိကတာဝန်အရှိဆုံး ပုဂ္ဂိုလ်ဖြစ်သည်။

(ခ) ဥက္ကဌသည် Education and Healthcare for Myanmar မလေးရှားဌာနခွဲ၏ ရည်မှန်းချက်ဦးတည်ချက်များ မတိမ်းစောင်းစေရေအတွက် ထိန်းကြောင်းရန် တာဝန်ရှိသည်။

ဒု-ဥက္ကဌ

(က) ဒု-ဥက္ကဌသည် Education and Healthcare for Myanmar မလေးရှားဌာနခွဲ၏ ဒုတိယ အဓိကတာဝန်အရှိဆုံး ပုဂ္ဂိုလ်ဖြစ်သည်။

(ခ) ဒု-ဥက္ကဌသည် အကြောင်းအမျိုးမျိုးကြောင့် ဥက္ကဌ မရှခိုက်တွင် ဥက္ကဌ၏ တာဝန်များကို ဥက္ကဌကိုယ်စား တာဝန်ခံဆောင်ရွက်ရမည်။

အထွေထွေအတွင်းရေးမှူး

(က) အထွေထွေအတွင်းရေးမှူးသည် Education and Healthcare for Myanmar မလေးရှားဌာနခွဲ၏ တတိယ တာဝန်အရှိဆုံး ပုဂ္ဂိုလ်ဖြစ်သည်။

(ခ) အထွေထွေအတွင်းရေးမှူးသည် အလုပ်အမှုဆောင်အဖွဲ့ အစည်းအဝေးဆုံးဖြတ်ချက်နှင့်အညီ အစည်းအဝေးဆုံးဖြတ်ချက်များကို ပြီးမြောက်အောင်ဆောင်ရွက်ပေးရမည်။

အတွင်းရေးမှူးအဖွဲ့

အတွင်းရေးမှူးအဖွဲ့သည် အလုပ်အမှုဆောင်အဖွဲ့ အစည်းအဝေးဆုံးဖြတ်ချက်နှင့်အညီ အစည်းအဝေးဆုံးဖြတ်ချက်များကို ပြီးမြောက်အောင် မိမိတို့တာဝန်ယူဆောင်ရွက်နေသာဌာန (Department) များအတွက် အထွေထွေအတွင်းရေးမှူးနှင့် ညှိနှိုင်းဆောင်ရွက်ပေးရမည်။

ရုံးအဖွဲ့မှူး (အလုပ်အဖွဲ့)

ရုံးအဖွဲ့မှူးသည် ရုံးပိုင်းဆိုင်ရာတာဝန်များ၊ အဖွဲ့၏ပြောရေးဆိုခွင့်များ၊ ဆက်သွယ်ဆောင်ရွက်မှုများ၊ စာရွက်စာတမ်းများ၊ အဖွဲ့ဝင်ကဒ်များထုတ်ပေးခြင်းနှင့် အတွင်းရေးမှူးများ၏ လုပ်ငန်းဆောင်တာများအား ကူညီဆောင်ရွက်ပေးခြင်းများကို လုပ်ဆောင်ရမည်။

ဘဏ္ဍာရေးမှူး

ဘဏ္ဍာရေးမှူးသည် အဖွဲ့အစည်းအတွက် ရန်ပုံငွေရှာဖွေခြင်း၊ ဘဏ္ဍာငွေထိန်းသိမ်းခြင်း၊ ဘဏ္ဍာငွေ ရသုံးစာရင်းများအား ပြုစု၍ တာဝန်ခံရှင်းလင်းတင်ပြခြင်းများအပါအဝင် အလုပ်အမှူဆောင်အစည်းအဝေးမှ အများသဘောတူဆုံးဖြတ်ချက်ဖြင့် ပေးအပ်သော တာဝန်များကိုဆောင်ရွက်ရမည်။

တွဲဖက် ဘဏ္ဍာရေးမှူး

တွဲဖက်ဘဏ္ဍာရေးမှူးသည် အဖွဲ့အစည်းအတွက် ရန်ပုံငွေရှာဖွေခြင်း၊ ဘဏ္ဍာငွေထိန်းသိမ်းခြင်း၊ ဘဏ္ဍာငွေ ရသုံးစာရင်းများအား ပြုစု၍ တာဝန်ခံရှင်းလင်းတင်ပြခြင်းများအပါအဝင် အလုပ်အမှူဆောင်အစည်းအဝေးမှ အများသဘောတူဆုံးဖြတ်ချက်ဖြင့် ပေးအပ်သော တာဝန်များကို ဘဏ္ဍာရေးမှူးနှင့်အတူ ခွဲဝေဆောင်ရွက်ရမည်။

စာရင်းစစ်/တွဲဖက်စာရင်းစစ်

စာရင်းစစ်သည် အဖွဲ့အစည်း၏ ဘဏ္ဍာငွေရသုံးစာရင်းများအား လစဉ်၊ ခြောက်လ၊ တစ်နှစ်စစ်ဆေးပေးခြင်း၊ အဖွဲ့အစည်းအဝေးများတွင် လိုအပ်လျှင်တင်ပြပေးရမည်။

နယ်မြေတာဝန်ခံများ

နယ်မြေတာဝန်ခံများသည် Education and Healthcare for Myanmar မလေးရှားဌာနခွဲ၏ အလုပ်အမှုဆောင်အဖွဲ့ အစည်းအဝေးဆုံးဖြတ်ချက်များကို ပြီးမြောက်အောင်ဆောင်ရွက်ပေးခြင်း၊ စည်းရုံးခြင်း၊ မိမိနယ်မြေအတွင်းရှိ မြန်မာနိုင်ငံသားများ အရေးအား အဂတိကင်းစွာဖြင့်ဆောင်ရွက်ရမည်။

အစည်းအဝေးများ

(က) ပုံမှန်အစည်းအဝေး

• ပုံမှန်အစည်းအဝေးများကို အများသဘောတူ ညှိနှိုင်းထားသော နေ့ရက်များတွင် ပြုလုပ်သွားရန်။

(ခ) အထူးအစည်းအဝေး

• အထူးအစည်းအဝေးများကို အရေးပေါ်(သို့) ထူးခြားသည့် ကိစ္စရပ်များအတွက် ခေါ်ယူဆွေးနွေးရမည်။

(ဂ) အစည်းအဝေးအထမြောက်ခြင်း

• အလုပ်မှုဆောင်အဖွဲ့ ထက်ဝက်ကျော်တက်ရောက်မှသာ အစည်းအဝေးအထမြောက်သည်။
  (ဥက္ကဌ၊ ဒု-ဥက္ကဌ၊ အတွင်းရေးမှူး၊ တွဲဖက် အတွင်းရေးမှူးတို့အနက် အနည်းဆုံး (၂)ဦးပါဝင်ရမည်။

လုပ်ငန်းစဉ်များ

လုပ်ငန်းစဉ်များ (နိုင်ငံတကာ)

(က) ရန်ပုံငွေရှာဖွေခြင်း

(ခ) Education and Healthcare for Myanmar မလေးရှားဌာနခွဲ၏ ချမှတ်ထားသော လုပ်ငန်းစဉ်များအား အကောင်အထည်ဖေါ်ဆောင်ရွက်ခြင်း။

(ဂ) NUG ၊ CRPH ၊ NUCC တို၏ လုပ်ငန်းစဉ်များအား ပူးပေါင်းဆောင်ရွက်ခြင်း။

လုပ်ငန်းစဉ်များ (ပြည်တွင်း)

(က) ပညာရေး၊ ကျန်းမာရေးနှင့် စစ်ဘေးရှောင်ပြည်သူများအား ကူညီပေးသွားရန်။

လုပ်ငန်းဌာနများ

(၁) ပညာရေး ကူညီစောင့်ရှောက်ရေးဌာန တာဝန်ခံ

(၂ ) ကျန်းမာရေး ကူညီစောင့်ရှောက်ရေးဌာန တာဝန်ခံ

(၃) နိုင်ငံခြားရေးဌာန တာဝန်ခံ

(၄) ငွေကြေးစီမံခန့်ခွဲရေးဌာန တာဝန်ခံ

(၅) အလုပ်သမားရေးရာဌာန တာဝန်ခံ

(၆) မူဝါဒရေးရာဌာန တာဝန်ခံ

(၇) မဟာမိတ်ဆက်ဆံရေးဌာန တာဝန်ခံ

(၈) ငွေကြေးစီမံခန့်ခွဲရေးဌာန တာဝန်ခံ

အဖွဲ့ဝင်အဖြစ်လျှောက်ထားခြင်း

(က) Education and Healthcare for Myanmar မလေးရှားဌာနခွဲ၏ အဖွဲ့ဝင်အဖြစ် မိမိဆန္ဒသဘောရ အဖွဲ့၏ ရည်ရွယ်ချက်၊ ဦးတည်ချက်၊ စည်းမျဉ်းများကို လက်ခံယုံကြည်သူတိုင်း အဖွဲ့ဝင်အဖြစ် လျှောက်ထားနိုင်သည်။

(ခ) အဖွဲ့ဝင်လျှောက်ထားသူများအား အလုပ်အမှုဆောင်အဖွဲ့မှ အဖွဲ့ဝင်လျှောက်ထားခြင်းဆိုင်ရာ စည်းမျဉ်း၊ စည်းကမ်းမျာနှင့်အညီ အဖွဲ့ဝင်အဖြစ် စီစစ်လက်ခံသွားမည်။

(ဂ) အဖွဲ့ဝင်တိုင်းသည် သတ်မှတ်ထားသော အဖွဲ့ဝင်ကြေးနှင့် လစဉ်ကြေးများကို မပျက်မကွက်ပေးအပ်ရန်တာဝန်ရှိသည်။

 အလုပ်အမှု့ဆောင် နှင့် နယ်မြေတာဝန်ခံ ၊ အဖွဲ့ဝင်များလိုက်နာရမည့်စည်းမျဥ်းစည်းကမ်းများ

(၁) အဖွဲ့ဝင်တိုင်းသည် Education and Healthcare for Myanmar မလေးရှားဌာနခွဲ၏ ဂုဏ်သိက္ခာသော်၎င်း၊ ညီညွတ်ရေးကိုသော်၎င်း ထိခိုက်စေမည့် အပြုအမူ အပြောအဆိုများကို ရှောင်ကျဉ်ရမည်။

(၂) အဖွဲ့ဝင်တိုင်းသည် အလုပ်အမှု့ဆောင်အဖွဲ့၏ အများသဘောတူဆုံးဖြတ်ချက်အတိုင်းသာ လိုက်နာဆောင်ရွက်ကြရမည်။

(၃) အဖွဲ့ဝင်တိုင်းသည် ဝါဒစွဲ၊ လူမျိုးစွဲ၊ ဘာသာစွဲ၊ ဒေသစွဲမရှိစေရ။

(၄) အဖွဲ့ဝင်တိုင်းသည် အဖွဲ့၏ လျှို့ဝှက်ချက်များကို အပြင်သို့ လုံးဝ မပေါက်ကြားစေရ။

(၅) အလုပ်အမှု့ဆောင်အဖွဲ့ဝင်တိုင်းသည်အစည်းအဝေးအားပုံမှန်တက်ရောက်နိုင်ရမည်၊အစည်းအဝေး (၃)ကြိမ်ထက်ကျော်လွန်မပျက်ကွက်စေရ၊ အစည်းအဝေးမတက်ရောက်နိုင်ပါက ရုံးအဖွဲ့ထံသို့ ခွင့်တိုင်ကြားရမည်။ ရုံးအဖွဲ့ထံသို့ ခွင့်မတိုင်ကြားဘဲ Zoom Meeting အစည်းအ‌‌‌ဝေး (၃) ကြိမ်နှင့် အထက်ပျက်ကွက်သူများသည် အလုပ်အမှု့ဆောင် အဖွဲ့ဝင် အဖြစ်မှ အလိုအလျောက် ထုတ်ပယ်ရပ်စဲပီးသားဖြစ်သည်။

(၆) အဖွဲ့ဝင်တိုင်းသည် Education and Healthcare for Myanmar မလေးရှားဌာနခွဲ၏ ရည်မှန်းချက်ပန်းတိုင်၊ ရည်ရွယ်ချက်၊ ဦးတည်ချက်များကို ယုံကြည်လက်ခံလျှက် အဖွဲ့မှပေးအပ်သော တာဝန်ဝတ္တရားများကို ကျေပွန်စွာ ထမ်းဆောင်နိုင်ရမည်။

(၇) အလုပ်အမှု့ဆောင်များသည်မိမိတို့သဘောကျနှစ်သက်သောလူတစ်ဦးအားနယ်မြေတာဝန်ခံအဖြစ် တာဝန်ပေးခန့်အပ်လိုပါက အသင်းသို့ တင်ပြဆွေးနွေး အတည်ပြုချက် ရယူ ပီးမှသာ ခန့်အပ်နိုင်သည်။

(၈) နယ်မြေတာဝန်ခံများသည် မိမိနယ်မြေတွင် လုပ်ပိုင်ခွင့် (Authority) အပြည့်အဝရှိပြီးဖြစ်သော်လည်း အလုပ်အမှု့ဆောင်ကော်မတီသို့ မိမိတို့ လုပ်ဆောင်မည့် အကြောင်းအရာများအား ကြိုတင် တင်ပြထားပေးရန်တာဝန်ရှိသည်။

(၉)  အလုပ်အမှု့ဆောင် နှင့် နယ်မြေတာဝန်ခံ အဖွဲ့ဝင်တိုင်းသည် အဖွဲ့ဝင်အချင်းချင်း မလေးမစား ရိုင်းပြသော အပြုအမူ ပြောဆို ဆက်ဆံ မှူ့များကို ရှောင်ကျဉ်ရမည်။

(၁၀) အလုပ်အမှု့ဆောင်နှင့်နယ်မြေတာဝန်ခံအဖွဲ့ဝင်တိုင်းသည် မလေးရှားနိုင်ငံရှိ အခြားအဖွဲ့အစည်း/လူပုဂ္ဂိုလ် များအား လူမျိုးရေး၊ဘာသာရေး၊ ပုဂ္ဂိုလ်ရေး သက်သက် ပြောဆို ‌‌‌‌ဝေဖန် တိုက်ခိုက်မှု  များကို ရှောင်ကျဉ်ရမည်။

(၁၁)  အလုပ်အမှု့ဆောင် နှင့် နယ်မြေတာဝန်ခံ အဖွဲ့ဝင်တိုင်းသည် EHMအသင်းကြီး၏ အမည် (သို့မဟုတ်) ပုံရိပ် တစိတ်တဒေသကို ရန်ပုံငွေရှာဖွေခြင်း၊ မဲဆွယ်စည်းရုံးခြင်း၊ အခြားအဖွဲ့အစည်း/လူပုဂ္ဂိုလ် များထံမှ အလှုငွေလက်ခံခြင်း၊ အခြားအဖွဲ့အစည်း/လူပုဂ္ဂိုလ် များထံသို့ အလှုငွေပေးအပ်ခြင်း အစရှိသော ကိစ္စရပ်များအတွက် အသုံးပြုလိုပါ က အစည်းအဝေး ဆုံးဖြတ်ချက်မှဖြစ်စေ၊ နာယကများထံမှဖြစ်စေ၊ ဥက္ကဌ / ဒု-ဥက္ကဌ ထံမှဖြစ်စေ ခွင့်တောင်းယူပီးမှသာ အသုံးပြုခွင့်ရှိစေရမည်။

(၁၂) အလုပ်အမှု့ဆောင်များသည် အသင်း အတွက် လိုအပ်သော အသုံးအဆောင်၊ လျှပ်စစ်ပစ္စည်း၊ ပရိဘောဂ များဝယ်ယူရန် လိုအပ်ခဲ့ပါက မဝယ်ယူမှီ အသင်းသို့ တင်ပြဆွေးနွေး၍ အများသဘောတူဆုံးဖြတ်ချက်အတိုင်းလိုက်နာဆောင်ရွက်ကြရမည်။

• အပိုဒ်ခွဲ (က) ၊            ၊ အသင်းအတွက် အ‌ရေးပါ် လိုအပ်သည့်ပစ္စည်းဖြစ်ပီး တန်ဘိုး ငွေ မလေးရှားရင်းဂစ် RM1000 အောက်ပစ္စည်းဖြစ်ပါက  နာယကတစ်ဦးဦး (သို့) ဥက္ကဌ / ဒု-ဥက္ကဌ တစ်ဦးဦး၏ ခွင့်ပြုချက်ဖြင့်သာ ဝယ်ယူခွင့်ရှိသည်။
• အပိုဒ်ခွဲ (ခ) ၊            ၊ အသင်းအတွက်လိုအပ်သည့် စာရေးကိရိယာ ၊ဆေး၀ါး ၊အိမ်ဆောက်ပစ္စည်း ၊စားသောက်ကုန် ၊လျှပ်စစ်ပစ္စည်း  များကို တန်ဘိုး ငွေ မလေးရှားရင်းဂစ် RM500 အောက်ပစ္စည်းဖြစ်ပါက ဘဏ္ဍာရေးမှူး(သို့)တွဲဖက် ဘဏ္ဍာရေးမှူး ၏ခွင့်ပြုချက်ဖြင့် ၀ယ်ယူခွင့်ရှိသည်။

အပြစ်ပေးအရေးယူခြင်း

အပြစ်ပေးအရေးယူခြင်း များကို အလုပ်အမှုဆောင်အဖွဲ့အစည်းအဝေးတွင် အလုပ်အမှုဆောင်အဖွဲ့ဝင်များ နှင့် ဗဟိုကော်မတီဝင်(နာယကကြီးများ) ၏ သုံးပုံ နှစ်ပုံ ၏ သဘောတူဆုံးဖြတ်ချက်ဖြင့်

(က) ခေါ်ယူဆွေးနွေးခြင်း

(ခ) သတိပေးခြင်း

(ဂ) ပြင်းထန်စွာသတိပေးခြင်း

(ဃ) တာဝန်မှရပ်ဆဲခြင်းတို့ကို ဆောင်ရွက်ရမည်။

အလုပ်အမှုဆောင်ကော်မတီဝင်များ၏ သက်တမ်းနှင့်ညီလာခံ

(က)အလုပ်အမှုဆောင်အဖွဲ့ဝင်များ၏ သက်တမ်းသည် (၁)နှစ် သက်တမ်းဖြစ်သည်။

(ခ) အဖွဲ့၏ ညီလာခံသည် အလုပ်အမှု့ဆောင် နှင့် နယ်မြေတာ၀န်ခံ အားလုံး ပါဝင်ခွင့်ရှိပြီး (၁)နှစ် တစ်ကြိမ်ကျင်းပရမည်။

(ဂ) အရေးပေါ်ညီလာခံအား အလုပ်အမှုဆောင် ကော်မတီဝင်များ၏ သုံးပုံ နှစ်ပုံမှ တင်ပြလာပါက ခေါ်ယူခွင့်ရှိပြီး အလုပ်အမှုဆောင်အဖွဲ့ဝင်များ သုံးပုံနှစ်ပုံ တက်ရောက်ပါက ညီလာခံ အထမြောက်သည်။

အထွေထွေပြဌာန်းချက်များ

(က) အဖွဲ့ဝင်တစ်ဦးသည် မိမိဆန္ဒအလျှောက် နုတ်ထွက်ရန်အဆိုတင်သွင်းလာပါက အလုပ်အမှုဆောင်အဖွဲ့နှင့် အကျေအလည်ညှိနှိုင်းဆောင်ရွက်ခြင်း။

(ခ) အလုပ်အမှု့ဆောင်အဖွဲ့ဝင်တစ်ဦးသည်မိမိဆန္ဒအလျှောက်နုတ်ထွက်ရန်အဆိုတင်သွင်းလာပါကအလုပ်အမှုဆောင်အဖွဲ့ဝင်များ နှင့် ဗဟိုကော်မတီဝင်(နာယကကြီးများ) များ၏ သုံးပုံ နှစ်ပုံမှ ထိုလစ်လပ်နေရာအတွက် ရွေးချယ်မှုဖြင့် တင်မြှောက်ခြင်း၊ ယာယီခန့်အပ်ခြင်းများ ပြုလုပ်ရမည်။

(ဂ) အဖွဲ့၏ စည်းမျဉ်းစည်းကမ်းများကို အလုပ်အမှု့ဆောင်အဖွဲ့ဝင်များ နှင့် ဗဟိုကော်မတီဝင်(နာယကကြီးများ) ၏ သုံးပုံ နှစ်ပုံမှ သဘောတူညီချက်ဖြင့် ပြင်ဆင်နိုင်သည်။

(စ) အလုပ်အမှုဆောင်ကော်မတီဝင်များအား ဖွဲ့စည်းပုံအရ အနည်းဆုံး(၉)ဦးပါဝင်ရမည်ဖြစ်ပြီး လိုအပ်လျှင်တိုးချဲ့ဖွဲ့စည်းနိုင်သည်။