လန်ကာဝီ ရန်ပုံငွေခရီးစဥ် ဖြစ်မြောက်လာစေရန် ကိုယ်အားစိတ်အား ဖိနှစ်ပြီး အားကြိုးမာန်တက် ကူညီလုပ်ဆောင်ပေးကြပါသော EHM (Malaysia) ရန်ပုံငွေရှာဖွေရေး အဖွဲ့ခေါင်းဆောင် ကိုလှဌေး နှင့် နာယက ဆရာမကြီး၊ ခရီးစဥ်တစ်လျှောက်လုံးအား အဆင်ပြေချောမွေ့ လုံခြုံစေရန် စီမံခန့်ခွဲပေးပါသော EHM (Malaysia) ဥက္ကဋ္ဌ ဦးAlex နှင့် ဦးမျိုး (Puchong)၊ ငွေကြေးစာရင်းဇယားများ နှင့် အမှတ်တရမီးပုံပွဲ ဖြစ်မြောက်အောင် ဦးဆောင် စီစဥ်ပေးပါသော Finance Team မှ မဇင်မာ နှင့် မမေဇင် တို့အား အထူးပင်ကျေးဇူးတင်ရှိပါသည်ခင်ဗျာ။
EHM (Malaysia) မိသားစုဝင် များ၏ ခရီးစဥ် တစ်လျှောက်လုံး လန်ကာဝီကျွန်းပေါ်တွင် အစစ အရာရာ လိုလေသေးမရှိအောင် စီမံဆောင်ရွက်ပေးပါသော အကိုကြီး ကိုကျော်ဝင်း(Joe)အားလည်း အထူးပင်ကျေးဇူးတင်ရှိပါသည်ခင်ဗျာ။ အမှတ်တရ မီးပုံပွဲအတွက် ပစ္စည်း ကိရိယာများနှင့် ဝိုင်ပုလင်းများ လက်ဆောင်ပေးသည့်အတွက်လည်း ထပ်လောင်း ကျေးဇူးတင်ရှိရပါသည်ခင်ဗျာ။
EHM ( Malaysia) လန်ကာဝီ ခရီးစဥ် ဖြစ်မြောက်စေရန်အတွက် အဖက်ဖက်မှ ကူညီပူးပေါင်း ဆောင်ရွက်ပေးသူ အားလုံးနှင့်တကွ ခရီးစဥ်အား လာရောက်ကူညီ ဝန်းရံလိုက်ပါသူ ညီအကို မောင်နှမ အားလုံးအား ကျနော်တို့ EHM(Malaysia) မှ အထူးပင်ကျေးဇူးတင်ရှိပါသည်ခင်ဗျာ။ လိုအပ်ချက်၊ အားနည်းချက်များ ရှိခဲ့ပါကလည်း ပထမဆုံး စီစဥ်ရသည့် ခရီးဖြစ်သည့်အလျှောက် နားလည်ခွင့်လွှတ်ပေးပါရန် လေးစားစွာတောင်းပန်အပ်ပါသည်ခင်ဗျာ။
နောင်တွင်လည်း မလေးရှား နိုင်ငံရှိ အထင်ကရ နေရာ အသီးသီးသို့ ရန်ပုံငွေ ခရီးစဥ်များ စီစဥ်ရန်ရှိပါသဖြင့် ကျနော်တို့ EHM (Malaysia) အသင်းကြီး၏ Facebook page မှ ကြေငြာပေးသွားပါမည်ခင်ဗျာ။
မှတ်ချက်။ ။ ခရီးစဥ်မှ ရရှိသည့် အကျိုးအမြတ်အားလုံးအား မြန်မာနိုင်ငံ ဒေသ အသီးသီး မှ အကူအညီလိုအပ်နေသည့် နေရာများအား အကုန်လှူဒါန်းသွားမည်ဖြစ်ပါသည်။
